Álem elderi qoqystyń kóbeıgenine alańdap jatsa, Qytaı kerisinshe qoqys tapshylyǵyn sezinip otyr. Sonyń saldarynan eldegi iri qoqys órteıtin zaýyttar tolyq qýatta jumys isteı almaı, tipti keıbiri qaldyqty syrttan satyp alýǵa májbúr.
Bul – keıingi jyldary júrgizilgen jańa ekologııalyq saıasattyń nátıjesi. Bılik qoqys suryptaýdy qatańdatyp, jańa erejeler engizdi. Al halyq jaýaptyraq bola bastady. Mamandardyń aıtýynsha, mundaı teńgerimsizdik aldaǵy ýaqytta ekonomıkalyq ta, ekologııalyq ta qıyndyq ákelýi múmkin. О́ıtkeni mıllıardtaǵan qarjyǵa salynǵan zaýyttardyń bos turýy el bıýdjetine de, qaldyqtardy basqarý júıesine de salmaq túsiredi.