Túrkistan oblysynyń shekara mańyndaǵy aýdandarynda krımınaldyq polısııa qyzmetkerleri júrgizgen jedel-tergeý is-sharalarynyń nátıjesinde zańsyz kóshi-qon arnasyn uıymdastyrǵan qylmystyq top qolǵa tústi, dep jazady Egemen.kz.
Toptyń tórt negizgi uıymdastyrýshysy men olardyń qatysýshylary ustalyp, ýaqytsha ustaý ızolıatoryna qamaýǵa alynǵan.
Olar zańsyz «qyzmeti» úshin mıgranttardan 500 myń teńgege deıin aqsha alyp otyrǵan. Tintý kezinde kúdiktilerden sheteldik pasporttar, jalǵan qujattar, elektrondy tasymaldaýshylar jáne baılanys quraldary tárkilengen.
Atalǵan derek boıynsha Qylmystyq kodekstiń eki baby aıasynda – «Zańsyz kóshi-qondy uıymdastyrý» jáne «Memlekettik shekarany qasaqana zańsyz kesip ótý» faktisi negizinde sotqa deıingi tergep-tekserý bastalǵan.