Áleýmettik jelide 17 qyrkúıekte Gvardeısk garnızonyndaǵy áskerı bólimderdiń birinde merzimdi áskerı qyzmet atqaryp júrgen sarbazdyń ózine qol jumsaǵany týraly aqparat paıda boldy. Aqparatty QR QK Qurlyq áskerleriniń baspasóz qyzmeti rastady, dep habarlaıdy Egemen.kz.
Vedomstvonyń habarlaýynsha, qaıǵyly oqıǵa boıynsha qylmystyq is qozǵalyp, tergeý amaldary júrgizilip jatyr.
«Qurlyq áskerleri bas qolbasshysynyń tapsyrmasymen oqıǵanyń mán-jaıyn anyqtaý úshin arnaıy komıssııa jiberildi. Qazaqstan Respýblıkasy Qarýly kúshteri Qurlyq áskerleriniń qolbasshylyǵy marqumnyń týystary men jaqyndaryna qaıǵyryp kóńil aıtady. Olarǵa barlyq qajetti kómek kórsetiledi», delingen habarlamada.