20 qyrkúıek «Taza Qazaqstan. Astana – tazalyq pen tártiptiń úlgisi» atty aýqymdy ekologııalyq aksııa aıasynda jáne Dúnıejúzilik tazalyq kúnine oraı elordalyqtar jalpyqalalyq senbilikke shyǵady, dep jazady Egemen.kz.
Qala ákimdiginiń málimetinshe bul kúni qalany qoqystan tazartyp, saıabaqtar men gúlzarlar, aýlalar, sondaı-aq saýda oryndary, qoǵamdyq tamaqtaný nysandary basqa da uıymdarǵa irgeles aýmaqtardy retke keltirý josparlanǵan.
Aýqymdy tazalyq jumysy aıasynda Astananyń alty aýdanynda aǵash otyrǵyzylady.
Ákimdik qalalyq kásiporyndardy, MIB (PIK), shaǵyn jáne orta bıznes sýbektilerin, eriktiler men belsendi turǵyndardy ekoaksııaǵa qatysyp, tazalyqqa úles qosýǵa shaqyryp otyr.
Sondaı-aq qala turǵyndary men uıymdary kósheler men aýlalardy abattandyrý isine úles qosa alady. Ekoaksııa saǵat 10:00-de bastalady.