Tokıoda ótken álem chempıonatynda shvesııalyq syryqpen sekirýshi Arman Dıýplantıs 6 metr 30 santımetr bıiktikke sekirip, álem rekord jasady.
Rasymen, adamnyń múmkindigi ǵalamat qoı. Bar bolǵany 25 jastaǵy sportshy óziniń tamyz aıynda qoıǵan 6,29 metrlik rekordyn ózi qaıta «buzdy». Bul – onyń álemdik rekordty 14-ret jańartýy. Osy saıysta kúmis júldeni grek sportshysy Emmanýıl Karalıs (6,00 m), al qola medaldy aýstralııalyq Kertıs Marshall (5,95 m) enshiledi. Dıýplantıstiń tehnıkasy men jeńil qımylyn kórgen jankúıerler oǵan «Bul ǵalamshardan emes-aý» dep tańdaı qaǵyp jatyr. Al sportshynyń aıtýynsha, ol syryqpen sekirýdi úsh jasynan meńgere bastaǵan. Kezinde ata-anasy da jeńil atletıkamen aınalysypty. Mine, jetistik syry qaıda?