18 qyrkúıek – Dúnıejúzilik poshta odaǵynyń (DPO) 28-shi Kongresi aıasynda, Dýbaı qalasynda ótken saılaý nátıjesinde Qazaqstan Poshtalyq operasııalar keńesine múshe bolyp saılandy.
Daýys berý qorytyndysy boıynsha elimiz 110 daýys jınap, Shyǵys Eýropa men Soltústik Azııa óńirinen saılanǵan alty memlekettiń qataryna endi. Qazaqstanmen birge Keńeske Bolgarııa, Polsha, Serbııa, Ýkraına jáne Ázerbaıjan kirdi.
Poshtalyq operasııalar keńesi – DPO-nyń negizgi qurylymdarynyń biri. Ol halyqaralyq poshta standarttaryn ázirleý men engizýge, elektrondyq saýdanyń transshekaralyq aǵymdaryn damytýǵa, sıfrlandyrýǵa jáne jahandyq poshta logıstıkasynyń sapasyn arttyrýǵa jaýapty.
Qazaqstannyń osy Keńeske saılanýy – elimizge degen álemdik qaýymdastyqtyń joǵary senimin bildiredi. Bul qadam elimizdiń jahandyq poshta kún tártibin qalyptastyrýdaǵy rólin kúsheıtip, jańa múmkindikterge jol ashady.
Qazaqstan aldaǵy ýaqytta osy alańdy zamanaýı sıfrlyq sheshimderdi ilgeriletýge, transulttyq elektrondyq kommersııany damytýǵa, poshta qyzmetteriniń tıimdiligi men turaqtylyǵyn arttyrýǵa, sondaı-aq óńirlik jáne halyqaralyq áriptestikti nyǵaıtýǵa belsendi paıdalanýdy kózdep otyr.