Elordadaǵy Saraıshyq aýdanynda Qazaqstan Prezıdenti jarııalaǵan 2025 jyl – Jumysshy mamandyqtar jyly aıasynda «Jumysshy mamandyqtar alleıasynyń» saltanatty ashylýy ótti, dep habarlaıdy qala ákimdiginiń resmı saıty.
Jańa alleıa aýdan turǵyndary úshin demalys orny ǵana emes, sonymen qatar el damýyna jumysshy mamandardyń qosqan úlesin nasıhattaıtyn sımvoldyq keńistikke aınaldy.
Skver aýmaǵy jańartyldy: balalar alańdary, sporttyq jattyǵý oryndary, kóleńkeli shatyrlar men art-ǵımarattar erekshe áser beredi.
Ashylý barysynda 300 túp aǵash otyrǵyzyldy, arnaıy tehnıka kórmesi men taqyryptyq fotokórme uıymdastyryldy. Sondaı-aq «Eńbek joly» baıqaýynyń jeńimpazdaryn marapattaý rásimi ótip, konserttik baǵdarlama usynyldy.
Shaqyrylǵan sýretshiler is-shara barysynda jumysshy mamandyq ıeleriniń portretterin live formatynda saldy.
Merekelik is-sharaǵa aýdan turǵyndary, túrli sala ókilderi, depýtattar men qoǵam qaıratkerleri qatysty.
Aıta keteıik, bıyl elordada shamamen 170 aýla men qoǵamdyq keńistik (saıabaqtar, gúlzarlar, jelekjoldar) abattandyrylyp jatyr. Bul jumys qalanyń barlyq aýdanyn, onyń ishinde turǵyn alaptardy da qamtydy. Qazirgi tańda bul jumystyń basym bóligi aıaqtaldy.
Sonymen qatar abattandyrý aıasynda qalany kógaldandyrýǵa erekshe mán berilip otyr. Bıyl elordada 1 mıllıonnan astam jasyl jelek otyrǵyzý josparlanǵan. Kógaldandyrý men kóriktendirý sharalary barlyq aýdandy qamtıdy.