Qyzylordada «Qaýipsiz jol» jedel-profılaktıkalyq is-sharasy aıasynda 1465 quqyq buzýshylyq anyqtaldy. Onyń 254 deregi qaýipsizdik beldigin taqpaý, tasymaldaý qaǵıdalaryn buzýǵa qatysty bolsa, jaıaý júrginshige jol bermeýdiń 131 faktisi tirkeldi, dep jazady Egemen.kz.
«Shymkent – Samara» tas jolynyń Baımurat batyr aýyly tusyndaǵy aýmaǵynda reıdtik is-shara ótkizgen polıseıler dron kómegimen jol erejesin saqtamaǵan júrgizýshilerdi tártipke shaqyrdy. Is-shara bastalǵaly beri joldyń qarsy jolaǵyna shyǵýdyń 1, avarııalyq jaǵdaı týǵyzýdyń 10, júrgizýshiniń kólik quralyn mas kúıinde basqarýdyń 9 deregi belgili bolypty. Sondaı-aq kólik quralyn basqarý quqyǵynan aıyrylǵan 3 júrgizýshiniń kólik tizginine qaıta otyrǵany anyqtalǵan.
Sonymen qatar, 138 avtokólik aıyp turaǵyna qoıylyp, 118 kóliktiń qozǵalysyn shekteý úshin memlekettik tirkeý nómir belgileri alyndy.