Búgin almatylyqtardyń uıaly baılanys telefondaryna kelgen habarlandyrý jurtty dúr silkindirdi. Ásirese, qoǵamdyq oryndarda alańsyz qydyryp júrgen halyq dúrlige dalaǵa qashty. Degenmen Almaty turǵyndary jer silkinisin sezingen joq, dep jazady Egemen.kz.
О́z kezeginde QR Tótenshe jaǵdaılar mınıstrligi tómendegideı aqparat taratty.
"QR TJM «USSO» JShS seısmıkalyq stansııalar jelisi 2025 jylǵy 21 qyrkúıekte, Astana ýaqytymen saǵat 16 saǵ. 25 mın. 19 sek. jer silkinisin tirkedi.
Jer silkinisiniń koordınattary: 43.165 s.e. 76.824 sh.b.
Koordınattary: 43.165 s.e., 76.824 sh.b.
Jer silkinisiniń oshaǵy Qazaqstan aýmaǵynda, Almaty qalasynan ońtústik-batysqa qaraı 9 shaqyrym jerde ornalasqan.
Jer silkinisiniń energetıkalyq klasy – 7.2. Magnıtýdasy MPV – 3.8".
Almaty qalasynyń aýmaǵynda jer silkinisi sezilgen joq. Degenmen, 101 jáne 112 nómirlerine qońyraýlar túsip jatyr. Seısmologtardyń datchıkteri tirkep, Mass Alert avtomatty túrde iske qosyldy.
Almaty qalalyq Tótenshe jaǵdaılar departamenti alańdaýǵa esh negiz joq ekendigin, qosymsha aqparattar beriletindigin málimdedi.