Soltústik Koreıa kóshbasshysy Kım Chen Yn eger Vashıngton ıadrolyq qarýsyzdandyrý talabynan bas tartsa, Amerıka Qurama Shtattarymen kelissóz júrgizýge ázir ekenin jetkizdi. Bul týraly VVS Koreıanyń ortalyq telegraf agenttigine silteme jasap habarlady, dep jazady Egemen.kz.
Sondaı-aq Kım Chen Yn Amerıka basshysymen sońǵy ret 2019 jyly kezdeskenin eske alyp, prezıdent Donald Tramp týraly jyly lebizin bildirdi.
Ońtústik Koreıamen qarym-qatynas máselesine toqtalǵan ol Phenıannyń Seýlmen kelissóz júrgizbeıtinin jáne ońtústikpen birigýge múddeli emes ekenin jarııa etti.
Aıta keteıik, buǵan deıin Ońtústik Koreıa, AQSh jáne Japonııa Freedom Edge atty birlesken áskerı jattyǵýlardy bastaǵan bolatyn. Bes kúnge jalǵasatyn bul oqý-jattyǵýlar 15-19 qyrkúıek aralyǵynda Chedjý aralynyń shyǵysy men ońtústigindegi halyqaralyq sý aıdyndarynda ótip jatyr.