Aksııaǵa bir kisideı qatysty

Aksııaǵa qatysýshylar kó­she­lerdi, saıabaqtardy, ormandar men ózen jaǵalaýyn, sondaı-aq kásiporyndardyń, saýda ortalyqtarynyń, bilim berý mekemeleriniń irge­les aýmaǵyn qoqystan tazartý jumysyn júrgizdi. Aksııany oblystyń ózge tur­ǵyndary da qoldady.

«Álemniń 190-nan astam elinde 20 qyrkúıek kúni atalyp ótetin Dúnıejúzilik tazalyq kúni elimizde de uıymshyldyqpen ótedi. Bul – mıllıondaǵan adamdy biriktiretin halyq­ara­lyq ekologııalyq qozǵalys, maq­saty – qoǵamnyń nazaryn qoqys-qaldyq máselesine aýda­ryp, halyqty qorshaǵan orta­nyń tazalyǵy turǵysynda birik­tirý. Bizdiń oblysta da ruq­sat­syz qoqys úıindileri, sý aı­dyndarynyń lastanýy máse­lesi kezdesedi. Sondyqtan bul ak­sııaǵa jalpyhalyqtyq sıpat berip, tazalyq pen tártip­tiń árqaısymyzǵa baılanys­ty ekenin túsinýimiz kerek», deı­di oblystyq ekologııa depar­tamentiniń bólim basshysy Almataı Jumaǵazıev.

Mamannyń pikirinshe, óńirde memlekettik organdar ekologııalyq jaǵdaıdy jaq­­sar­tý baǵytynda júıeli ju­mys júrgizedi. Qoqys úıindi­lerin rekýltıvasııa jobasy júzege asyrylyp jatyr. Qal­dyqty bólek jınaý júıesi engizilip, tabıǵat paıdalaný­shylaryna baqylaý kúsheı­til­gen. Sondaı-aq qatty turmys­tyq qal­dyqtar polıgondaryn sıfr­landyrý, qaldyqtardy qaıta óńdeý ınfraqurylymy damyp keledi. Bul iske qoǵam túgel qaty­sýy qajet. Sonda ǵana nátıje tolyq bolmaq.

Senbi kúni ótken dúnıe­júzilik aksııaǵa Batys Qazaq­stan oblysynan 7 560 adam shyǵyp, 170,5 tonna qoqys-qaldyq jınaldy. Is-sharaǵa memlekettik organdardan qosyl­ǵan 4 280 adamnan bólek, 2 myńnan asa qarapaıym turǵyn, 1 230 erikti belsene qatysty.

Adamǵa, tabıǵatqa asa paıdaly, mańyzdy bastamany úılestirgen Batys Qazaqstan oblysy boıynsha ekologııa departamenti «World Cleanup day» respýblıkalyq aksııasyna qatysqan barlyq azamatqa alǵys aıtty. Mundaı senbilik, tazalyq kúnderi jyl sońyna deıin jalǵasady.

Batys Qazaqstan oblysy