Astanadaǵyy Joǵary polıtehnıkalyq kolledj stýdentteri GO CTF TATARSTAN 2025 II Halyqaralyq týrnırinde kıberqaýipsizdik boıynsha I -shi oryn ıelendi, dep jazady Egemen.kz.
Fınaldyq básekede TMD elderiniń eń úzdik 20 komandasy baq synady.
GO CTF - eń suranysqa ıe mamandyqtardyń biri – kıberqaýipsizdik salasynda sıfrlyq quzyretterdi, komandalyq jumysty damytýǵa jáne jas kadrlardy daıarlaýǵa baǵyttalǵan halyqaralyq chempıonat.
Astana Polytechnic stýdentteriniń Jumysshy mamandyqtar jyly aıasyndaǵy bul jeńisi qazaqstandyq jas mamandardyń kıberqaýipsizdik sııaqty aldyńǵy qatarly baǵyttarda halyqaralyq deńgeıde básekege qabiletti ekenin kórsetti.
«Bizdiń stýdentter jumysshy mamandyqtar qazir tek dástúrli salalar ǵana emes, sonymen qatar bilimdi, kreatıvtilikti jáne komandalyq eńbekti talap etetin joǵary tehnologııalyq baǵyttar ekenin dáleldedi. GO CTF týrnırindegi jeńis – eldiń sıfrlyq qaýipsizdigin qamtamasyz etetin jańa býyn mamandaryn qalyptastyrýǵa qosqan úles», dedi Oqý-aǵartý mınıstrliginiń Tehnıkalyq jáne kásiptik bilim departamentiniń dırektory Áset Muhanbetov.