О́ńirdegi memlekettik orman qorynyń jalpy jer kólemi 4 mln 425 myń gektardy quraıdy. Onyń 2 mln 311 myń gektary ormanmen qamtylǵan jerler sanatyna jatady, dep habarlaıdy Egemen.kz.
Oblys ákimdiginiń tabıǵı resýrstar jáne tabıǵat paıdalanýdy retteý basqarmasynyń basshysy basshysy Nartaı Egemberdıevtiń aıtýynsha, óńirde orman qoryn kúzetý, qorǵaý, paıdalaný, ormandardy molyqtyrý jáne orman ósirý isin basqarmaǵa baǵynysty 15 orman sharýashylyǵy mekemesi júrgizedi.
«Orman qoryndaǵy ormanshylyqtarda 39 órt baqylaý munarasy, 16 dana naızaǵaı burǵysh jumys jaǵdaıyna keltirildi. О́rt qaýpi bar aýmaqtardaǵy 65 bekette táýlik boıyna kezekshilikter qurý jumystary júrgizilýde. Olar qazirgi tańda orman qoryndaǵy jaǵdaılar boıynsha basqarmaǵa baılanys quraldary arqyly esep berýde. Sonymen qatar oblystyń 3 mıllıon 48 myń gektar orman qoryna órt qaýipti maýsymy kezinde Moıynqum aýdanynda ornalasqan «Qazavıa orman qorǵaý» mekemesiniń 1 ushaǵy (AN-2) jáne 1 tik ushaǵy (AS350) áýeden baqylaý júrgizdi.
Mekemeler boıynsha orman qorǵaý qyzmetkerlerinen 1-shi jáne 2-shi tıptegi orman órtin sóndirý stansııalarynda 380 órt jasaqshysy qurylǵan. О́rt sóndirý jasaqshylaryny sanaly formalarmen qamtamasyz etilgen jáne arnaıy oqýdan ótip, sertıfıkattaryn alǵan. Orman órt sóndirý stansııalary 5 birlik órt sóndirý avtokóligimen, 15 birlik Ýaz-330365 AS-0,9 markaly kishi keshendi órt sóndirý avtokóligimen, 90 dana ártúrli markadaǵy MTZ traktorymen (soqalarymen) jáne 15 dana jartylaı tirkemeli 3 tonnalyq órt sóndirgish ámbebap sısternalarmen jabdyqtalǵan.
Orman qoryn kúzetýge, patrýl jas aýǵa 72 birlik jeńil avtokólik orman sharýashylyǵy mekemelerinde kezekshilikter júrgizýde. Alaıda atqarylyp jatqan aldyn alý sharalaryna qaramastan, órt qaýpi joǵary maýsym kezinde oblystyń orman qory aýmaǵynda jalpy aýdany 32 993 gektar bolatyn 47 orman órti oqıǵasy tirkeldi. Onyń ishindegi 19 136,1 gektar jer ormanmen kómkerilgen jerler. О́rt shyǵý sebepteri: 3 jaǵdaı – azamattardyń órt qaýipsizdigi talaptaryn saqtamaýynan; 26 jaǵdaı – naızaǵaıdyń túsýinen; 4 jaǵdaı – ákimshilik aýmaqtardan memlekettik orman qory jerine órttiń ótip ketýinen. Al 14 jaǵdaıdyń shyǵý sebebi anyqtalǵan joq. Bıylǵy jyly orman qorynda órt qaýipsizdigin qamtamasyz etý maqsatynda jalpy uzyndyǵy 11 154,5 shaqyrym bolatyn órtke qarsy mıneraldy jolaqtarǵa kútim jasaý jumystary josparlanyp, jospar tolyq kólemde oryndaldy, – deıdi Nartaı Álibekuly.
Jambyl oblysy.