Qazaq mádenıeti men ónerinde Almatynyń orny erekshe. Búginde qala kúni halyqtyń ataýly merekesine aınaldy. Osyǵan oraı, «Kaspi.kz» pen «OYU» jobasy almatylyqtarǵa qala kúnine arnaıy syılyq jasady. Atap aıtqanda, bul – M’DEE, Orynkhan jáne Roza Rymbaevanyń oryndaýyndaǵy jańa «Gúl Almaty» tregi.
Qala kúnine mýzykalyq syılyq jasaý jospary jarty jyl buryn paıda bolǵan. Sonda «Gúl Almaty» áni birden tańdalypty. Ony kóp jyl buryn Aleksandr Zasepın «Taqııaly perishte» fılmi úshin jazyp, alǵashynda Keńes odaǵynyń halyq ártisi Ermek Serkebaev oryndaǵan. Án keıin Batyrhan Shúkenovtiń oryndaýynda qaıta tanymal boldy. «Dál osy týyndy Almaty kúnine erekshe saı keledi jáne qalaǵa degen súıispenshilikti bildiredi», deıdi rejısserler Aıda Ablaeva men Rına Naýmova. Bul joly «Gúl Almaty» ánin aty ańyzǵa aınalǵan Roza Rymbaeva men tanymal, zamanaýı mýzykanttar M’DEE men Orynkhan oryndaıdy.
Jańa trektiń túsirilimi 7 qyrkúıekte ótti. Túsirilim alańy – Abaı atyndaǵy Qazaq memlekettik akademııalyq opera jáne balet teatry, teatr mańyndaǵy gúlzar. Ártister kadrda kezdespeıdi jáne árqaısysy trekti ózindik nusqada oryndaıdy. Olardy mýzykanttar men túsirilim alańyna kelýshiler súıemeldedi.
«Almaty – jaı ǵana túsirilim orny emes, ol jeke keıipker ispetti. Biz qalanyń kóshelerine, turǵyndaryna degen súıispenshiligimizdi jetkizgimiz keldi. Sol sebepti kadrlarda saıabaqtar men gúlzarlar ǵana emes, qala turǵyndary da bar», dedi rejısser Rına Naýmova.
Klıptiń túsirilimi «Kaspi.kz» qoldaýymen ótti. Bir jyl buryn eń ınnovasııalyq tehnologııalyq kompanııa «OYU»-dyń bas seriktesi atandy. Buǵan deıin birge júzege asyrylǵan «Nauryz Special» jobasy el turǵyndaryna Naýryz merekesi aıasynda syıǵa tartylǵan edi. Endi, mine, kezek Almaty kúnine kelipti.
«Bizge Kaspi.kz-tiń qoldaýy asa qajet, sebebi dál osyndaı seriktesterdiń arqasynda ıdeıalarymyzdy tolyqqandy júzege asyra alamyz. Osyndaı tanymal jáne bári qoldanatyn iri brendterdiń Almatydaı arý qalamyzǵa rahmet aıtý týraly usynysymyzdy qoldaǵany mańyzdy. Iаǵnı mundaı áreketteri «Kaspi.kz»-tiń Almaty men onyń turǵyndaryna degen mahabbatyn bildiredi», deıdi bul týraly rejısser Aıda Ablaeva.
M’DEE:
«Kaspi»-diń osyndaı keremet shyǵarmashylyq jobalarǵa qoldaý kórsetýi sózsiz úlken qadam der edik. Bul bizdiń Qazaqstan úshin, qalamyzdyń jáne elimizdiń shyǵarmashylyq ortasy úshin óte mańyzdy. Men mundaı jobalardyń paıda bolyp jatqanyna qýanyshtymyn jáne olardyń áli de kóbeıetinine senemin».
Al osy qalada juldyzy janyp, tyńdarmandaryna shabyt syılaǵan Roza Rymbaeva júrekjardy lebizin bylaı bildirdi:
«Meniń oıymsha, tabysty kompanııalar men bıznesmenderdiń ómirin óz eline degen súıispenshiliksiz elestetý múmkin emes. Bul joba da olardyń óz qalasyna degen sezimin bildiredi. Olar qala turǵyndary men qonaqtary úshin túsirilimder men konsertter uıymdastyrady, al biz, ánshiler, oǵan shyn júrekten qatysamyz», dedi ánshi.
Birneshe túsirý toby túsirilim alańynyń ártúrli buryshynda jumys istedi. Oqıǵany Orynkhan ashty – tańnyń atýy, oıanǵan qala, almatylyq úılerdiń balkondary... Jaryq, jyly kórinister kórermenderge erekshe áser syılady degen oıdamyz. Al Orynkhan-nyń ózi:
«Bári oıdaǵydaı boldy. Osy bir úlken jobany erteńgi tarıh dep esepteımin. Bul ınternet jelisine túsedi, bolashaqqa belgi retinde qalady. Búgin ǵana emes, 10 jyl, 50 jyldan keıin de adamdar tyńdap, kóre alady. Kishigirim arhıv retinde saqtalady. Sol úshin osyndaı sapaly arhıv, sapaly tarıhtyń jasalýyna qatysyp jatqanyma qýanyshtymyn», dedi.
Oqıǵa ári qaraı M’DEE-diń oryndaýynda jalǵasty. Mýzykant mýzykanttarmen sóılesedi, saıabaqta án aıtady jáne jol boıymen serýendeıdi.
M’DEE:
«Jalpy, jumysymnyń úlken bóligi Almatymen baılanysty. Qalaı bolǵanda da, ózimdi naǵyz almatylyq retinde sezinemin. Men bul qalany shyn júregimmen jaqsy kóremin, sondyqtan mundaı jobaǵa qatysý – biz úshin úlken mártebe. Ásirese «Gúl Almaty» áni – meni mýzykant etken, mýzykaǵa degen súıispenshilikti oıatqan ánderdiń biri», dedi óner ıesi.
Ataqty ánshi Roza Rymbaeva atalǵan týyndy týraly oıyn bylaı jetkizdi:
«Bul ándi uly ánshimiz Ermek Serkebaev oryndaǵan. Ermek aǵadan keıin súıikti baýyrymyz, óte joǵary deńgeıdegi ánshi, mýzykant, kompozıtor Batyrhan Shúkenov shyrqady. Osy joly maǵan kezek keldi. Men, árıne, Ermek aǵaǵa da, Batyrhanǵa da uqsamaımyn, Roza Rymbaeva bolyp áýeletip salamyn. Sebebi jarty ǵasyr osy Almatyda turamyn, úlken sahnalarynda án salyp kelemin, nege bul ándi oryndap kórmeske? О́zimniń júregimmen, ózimniń daýysymmen, ózimniń mánerimmen shyrqaımyn. Sondyqtan bul da – Almatyǵa degen erekshe mahabbattyń belgisi».
Beınerolık Roza Rymbaevanyń oryndaýymen aıaqtalady. Áıgili ánshi trekti kóptegen mýzykant, súıemeldeýshimen birge oryndady. Halyqtyń súıikti ártisi úshin bes myń qyzǵaldaq gúlinen turatyn úlken gúlzar jasalǵan.