Áleýmettik jelilerde taraǵan vıdeoda er adamnyń oıyn alańynda júrgen balaǵa jaqyndap baryp soqqy jasaǵan sáti beınelengen. Bul derekke qatysty polısııa tekseris júrgizip jatyr, dep habarlaıdy Egemen.kz.
Atyraý oblystyq polısııa departamenti bul oqıǵa boıynsha qylmystyq is qozǵalǵanyn, shabýyl jasaǵan adamnyń jeke basy men ornalasqan jeri anyqtalyp jatqanyn habarlady.
«Beınebaqylaý kamerasynyń jazbalary tekserilip jatyr. Kýágerlerden jaýap alynady. Jeńil dene jaraqatyn alǵan jábirlenýshi 9 jasar balaǵa psıhologııalyq kómek kórsetilip jatyr», delingen habarlamada.