Shanhaı teatr ınstıtýty alǵash ret adam emes stýdentti qabyldady. «Sıýeba 01» dep atalatyn robot endi aldaǵy tórt jylda «Sandyq oryndaýshylyq dızaın» mamandyǵy boıynsha bilim alady, dep habarlaıdy Egemen.kz Sınhýa agenttigine silteme jasap.
175 sm boıly, 32 kelilik gýmanoıd sahnalyq qımyldar men dástúrli qytaı operasynyń tehnıkasyn júıeli túrde zerttemek. Joba Shanhaı teatr ınstıtýty men Shanhaı polıtehnıkalyq ýnıversıtetiniń birlesken bastamasy. Ýnıversıtet ınjenerleri robottyń tehnıkalyq bazasyn ázirlese, teatr ınstıtýty onyń kórkemdik qabiletin damytýǵa jaýapty.
Aıta keteıik, «Sıýeba 01» buǵan deıin Beıjińdegi jartylaı marafonda gýmanoıd robottar arasynda júldeger atanǵan «Sınchje № 2»-niń jetildirilgen nusqasy. Jańa model jeńil bıomımetıkalyq bulshyqettermen, shynaıy mımıka júıesimen jáne úzdiksiz 6 saǵat jumys isteý múmkindigimen erekshelenedi. Ol 100-den asa adamǵa tán bet qımylyn jasap, kórermen reaksııasyna qaraı óz qoıylymyn beıimdeı alady.
Joba jetekshileri robot ázirge qozǵalys mánerinde jetilýdi qajet etetinin aıtady. Sondyqtan kásibı oryndaýshylardyń qımylyn kóshirip, arnaıy derekter jıyntyǵy arqyly úıretý kózdelgen. Bolashaqta ol beınejazbalardan tikeleı úırene alady dep kútiledi.
Shanhaı teatr ınstıtýtynyń professory Iаn Sınsınniń aıtýynsha, bastamanyń basty maqsaty — óner men tehnologııany túıistirip, qytaı operasy sııaqty mádenı muranyń jańa býynǵa jetýine jol ashý.