Májilis qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderin baǵalaý halyqaralyq ortalyǵyn qurý týraly kelisimdi ratıfıkasııalady. Bul qujatqa 2023 jylǵy 13 qazanda Bishkek qalasynda qol qoıylǵan bolatyn, dep habarlaıdy Egemen.kz.
Kelisim aıasynda TMD memleketteriniń qarjylyq barlaý bólimsheleri arasyndaǵy yntymaqtastyqty jeńildetý úshin Halyqaralyq qarjylyq barlaý ortalyǵy qurylady.
Jańa ortalyq halyqaralyq aqparattyq júıe retinde jumys istep, qylmyskerler qoldanatyn tendensııalar men ádisterdi, sonyń ishinde jańa tehnologııalardy zertteıdi. Sonymen birge anyqtalǵan qaýip-qaterlerge ýaqytyly áreket etýge múmkindik beredi.