Bıyl Shymkent qalasynyń dıqandary bıdaıdan gektaryna orta eseppen 10 sentnerden ónim aldy. Jazdyń kúngi ystyq pen qýańshylyqqa bıdaı jaqsy shyǵyp qambaǵa astyq quıyldy, dep jazady Egemen.kz.
Sonymen birge shahar sharýalary maıly daqyldan da jaqsy ónimge qol jetkizdi. О́tken jyldarmen salystyrǵanda bıylǵy gektar berekeliligi ájepteýir boldy deıdi dıqandar. Ásirese maqsary bıyl jyldaǵydan kóbirek ónim berdi.
Munyń barlyǵy fermerler aıtyp ótkendeı erte kóktemdegi ylǵaldy tıimdi paıdalanýdyń nátıjesinde múmkin boldy. Shymkent qalasynyń aýyl sharýashylyǵy jáne veterınarııa basqarmasynyń málimdeýinshe kóktemgi egis naýqanynda megapolıs aýmaǵyndaǵy 23 myń gektar alqapqa aýyl sharýashylyǵy daqyldary egildi. Olar negizinen arpa, bıdaı men maıly daqyldar.
Jalpy 2025 jyly 10.9 myń gektar aýyl sharýashylyǵy maqsatyndaǵy jerge dándi daqyldar egildi. Onyń 10.3 myń gektary bıdaı alqaby bolsa, qalǵan 0.6 myń gektary arpa egistigi. Al búginge deıin jınalǵan jalpy aýyl sharýashylyǵy ónimderi 66 myń tonnany qurap otyr.