Qytaıdyń Hanchjoý qalasynda ótken ATP 250 týrnıri elimizdiń birinshi raketkasy Aleksandr Býblıktiń jeńisimen aıaqtaldy.
ATR reıtınginde 19-orynda turǵan jerlesimiz alǵashqy aınalymdarda chehııalyq Dalıbor Svrchına (6:1, 6:1) men aýstralııalyq Aleksandr Výkıchti (6:7, 6:4, 6:4) utty. Jartylaı fınalda qytaılyq Ibın Výdy (6:3, 6:3) jeńdi. Fınalda fransııalyq Valenten Rýaıemen kúsh synasty. О́te shıelenisti básekeniń eki seti de taı-breıkke ulasty. Eki retinde de Aleksandr alǵyrlyq tanytyp, 7:6, 7:6 esebimen jeńiske jetti.
Týrnırdiń júlde qory 1 019 185 AQSh dollaryn qurady, sonyń 154 980-in jarys jeńimpazy ıelendi. Sonymen qatar Aleksandr ATR reıtınginde úsh satyǵa joǵarylap, 16-orynǵa turaqtady. Bul onyń jeke rekordy. Sóıtip, otandasymyz bıylǵy maýsymdaǵy besinshi tıtýlyna qol jetkizdi. Buǵan deıin Býblık Týrın (Italııa), Halle (Germanııa), Gshtaad (Shveısarııa), Kısbıýeldegi (Aýstrııa) jarystarda bas júldeni oljalady.
El tennısine qatysty taǵy bir jaǵymdy jańalyq: Fılıppınde 14 jasqa deıingi oıynshylar arasynda ótken Azııa chempıonatynda Iаsmın Dúısembaeva qola medaldy enshiledi. Osy tabysynyń arqasynda oǵan jyl saıyn dástúrli túrde ótip turatyn «Elite Junior Trophy 14 & Under» jarysyna jol ashyldy.