Ulybrıtanııanyń Ýıltshır graftyǵynda tótenshe jaǵdaı oryn aldy. Sýındon qalasynyń ónerkásiptik aımaǵynda ornalasqan qoımada kúshti jarylys bolyp, artynsha alapat órt tutanǵan. Qazir oqıǵa ornynda shuǵyl qyzmetterdiń kúsheıtilgen toby jumys istep jatyr, dep habarlaıdy Egemen.kz Sky News-ke silteme jasap.
Polısııa taratqan resmı aqparatqa saı, qoımaǵa jaqyn aýdandardaǵy turǵyndar qaýipsiz aımaqqa kóshirilip jatyr. Al kórshiles kvartaldarǵa evakýasııa jasalmaıdy. Degenmen quqyq qorǵaý organdary halyqqa úılerinen shyqpaýǵa, terezelerin jabýǵa jáne apat aımaǵyna barmaýǵa keńes bergen.
О́rt sóndirý qyzmeti 10-nan astam arnaıy tehnıkany jumyldyrǵan. Olardyń qatarynda bıik ǵımarattarǵa arnalǵan avtosatylar men sý tasıtyn mashınalar bar. Qutqarýshylar órtti aýyzdyqtaýǵa tyrysyp jatyr.
Áleýmettik jelilerde taraǵan aqparattarǵa sáıkes, jarylystyń qatty dúmpýi qalanyń kóptegen bóliginde sezilgen.
Qazirgi tańda jarylystyń neden shyqqany anyqtalyp, tergeý amaldary júrgizilip jatyr.