Qaıǵyly jaǵdaı Kemer kýrorttyq qalasynda Kamıýva jaǵajaıy aımaǵynda bolǵan. 42 jastaǵy Reseı azamatshasy Lınarııa Mýzıpovany qaıyq basyp qalyp, qaza tapqan, dep habarlaıdy Egemen.kz.
Parasaılıngtik kompanııaǵa tıesili qaıyq (kater artynan parashıýtpen ushý) qalqymaly belgimen qorǵalatyn aýmaqtan shyǵyp ketip, teńizde júzip júrgen áıelmen soqtyǵysqan.
Kýágerler dereý jedel qyzmetterdi shaqyrǵan. Oqıǵa ornyna jetken dárigerler, jandarmerııa jáne jaǵalaý kúzeti áıeldiń kóz jumǵanyn anyqtaǵan.
Marqumnyń denesi Antalıadaǵy sot-medısınalyq saraptama mekemesine jetkizilgen. Qaıyq kapıtany men kompanııanyń jaýapty ókili tergeýge alynǵan. Qazirgi ýaqytta Chamıývadaǵy barlyq sý attraksıondary ýaqytsha toqtatylyp, jaǵdaıdyń mán-jaıy tekserilip jatyr.