Jyl saıynǵy Ayelder Dausy 2025 áıelder densaýlyǵyna qatysty saýalnamasynyń nátıjeleri kórsetkendeı, Qazaqstandaǵy áıelderdiń shamamen 50%-y klımaksty emdeýdi qajet dep sanaıdy. Kópshiligi áli kúnge deıin gormonaldy terapııadan qaýiptenedi jáne menopaýza sımptomdarymen qaýipsiz kúresýdiń joldary týraly senimdi aqparattyń tapshylyǵyn sezinedi.
Zertteý qorytyndylary menopaýza jáne andropaýzaǵa arnalǵan II Eýrazııalyq kongress aıasynda 2 500-den astam gınekologqa usynyldy.
IRM Clinic Almaty akýsher-gınekology, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Galına Grebennıkova saýalnama nátıjelerine toqtala otyryp, bir jaǵynan áıelderdiń sanaly kózqarasy artyp kele jatqanyn, ekinshi jaǵynan zamanaýı terapııa ádisterine qatysty mıfter men senimsizdiktiń áli de saqtalyp otyrǵanyn atap ótti.
«Saýalnamaǵa qatysqan áıelderdiń 72,7%-y dárigermen menopaýzalyq gormonaldy terapııany (MGT) qoldaný múmkindigin eshqashan talqylamaǵan. Al olardyń jartysyna jýyǵy – 45,5%-y klımaksty emdeýdiń qajeti joq dep sanasa, 27,3%-y gormonaldy terapııa qaýipti ári aýyr janama áserleri bar degen pikirde. Bul áıelderdiń áli de senimdi aqparat tapshylyǵy jaǵdaıynda ómir súrip jatqanyn aıqyn kórsetedi», – dedi Galına Grebennıkova kongress barysynda sóılegen sózinde.
Sonymen qatar, halyqaralyq tájirıbe kórsetip otyrǵandaı, dál osy MGT klımakterııalyq belgilerdi jeńildetý jáne postmenopaýza kezeńinde, aldynda densaýlyqty saqtaýdyń eń tıimdi ádisi bolyp sanalady. Negizgi qaǵıdattar – sımptomdardy jeńildetý, súıek pen júrek-qantamyr júıesiniń saýlyǵyn qoldaý úshin jeke terapııany durys tańdaý, sonymen birge yqtımal qaýipterdi eskerý.
Dúnıejúzilik densaýlyq saqtaý uıymy atap ótkendeı, menopaýza – áıel ómirindegi mańyzdy kezeń ári keshendi qoldaýdy qajet etedi. DDSU aqparattandyrýdy keńeıtip, menopaýza sımptomdaryn dıagnostıkalaý, emdeý jáne konsýltasııa berýdi mindetti medısınalyq qyzmetter júıesine engizýdi usynady.
Ayelder Dausy 2025 zertteýiniń ózge de qorytyndylary mynany kórsetti:
Áıelderdiń 54,5%-y menopaýza kezeńindegi densaýlyǵyn «óte jaqsy» dep baǵalasa, ár besinshi respondent ony «nashar» dep ataǵan. MGT-ǵa (menopaýzalyq gormonaldy terapııaǵa) kózqaras saqtyqpen qalyp otyr: áıelderdiń jartysynan kóbi (54,5%) beıtarap ustanymda, al oń pikir bildirgender nebári – 27,3%. Áıelderdiń 40%-y táýekelder men janama áserler týraly senimdi aqparatty kóbirek bilgisi keletinin aıtqan.Sımvolıkalyq turǵydan alǵanda, zertteý nátıjeleriniń 26 qyrkúıekte – Halyqaralyq kontrasepsııa kúni usynylýynyń da máni bar. Bul kúni búkil álemde medısınalyq qaýymdastyqtyń nazary áıelderdiń reprodýktıvtik jáne gormondyq densaýlyǵy máselelerine aýdarylady.
«Biz úshin tıimdi sheshimderdi ázirleýmen qatar, elimizde áıelder densaýlyǵyna qamqorlyq mádenıetin qalyptastyrý da mańyzdy. «Gedeon Rıhter Qazaqstan» osy saladaǵy moıyndalǵan kóshbasshylardyń biri retinde áıeldermen mańyzdy máseleler týraly ashyq sóılesýge, olardyń sanaly sheshim qabyldaýyna kómektesýge jáne medısınalyq qaýymdastyqty aǵartýshylyq bastamalar arqyly qoldaýǵa óz rólin kóredi. Kazakhstan Women’s Health @kwh.kz jobasy men Ayelder Dausy saýalnamasy – osy mıssııanyń mańyzdy bóligi», – dedi «Gedeon Rıhter Qazaqstan» kompanııasynyń ókili Dınara Birmaǵanbetova.
Ayelder Dausy zertteýi birneshe jyldan beri Kazakhstan Women’s Health bastamasy aıasynda «Gedeon Rıhter Qazaqstannyń» qoldaýymen júrgizilip keledi. Onyń maqsaty – shynaıy kedergilerdi anyqtap, áıelderdiń densaýlyǵyna qatysty sanaly sheshim qabyldaýyna kómektesý.