Semeıden elimizdiń iri qalalaryna qatynaıtyn áýe reısteriniń sany artyp keledi. 23 qyrkúıekten bastap «Qaraǵandy – Semeı – Qaraǵandy» baǵytynda syıymdylyǵy 50 oryndyq «Bombardier CRJ200» ushaǵy jolaýshylar tasymaldaı bastady.
Ákimdiktiń málimetinshe, reısti «SCAT» áýe kompanııasy júzege asyrady. Aptasyna eki ret – seısenbi jáne beısenbi kúnderi qatynaıdy. Bılet baǵasy – 15 000 teńge. Jańa baǵyttyń ashylýy turǵyndarǵa qolaıly ári qoljetimdi baǵada saparlaýǵa múmkindik beredi. Birneshe jyl buryn «Qaraǵandy – Semeı» baǵytyndaǵy áýe qatynasy jabylyp qalǵan edi. Sonyń saldarynan eki taraptyń turǵyndary bir-birine Astana arqyly poıyzben qatynaıtyn.
Qazirde «Semeı – Almaty», «Semeı – Astana», «Semeı – Úrjar», «Semeı – Qaraǵandy» baǵyttary boıynsha áýe reısteri bar. Reısterdi «FlyArystan», «Ońtústik aspany», «SCAT» áýe kompanııalary júzege asyrady.
Jańa baǵyt respýblıkalyq bıýdjetten bólingen sýbsıdııanyń arqasynda, Kólik mınıstrligi Azamattyq avıasııa komıtetiniń, Abaı oblysy ákimdiginiń qoldaýymen ashylyp otyr.
Abaı oblysy