Qazaqstan men Reseı Qaýipsizdik Keńesteriniń hatshylary Nurlan Ermekbaev pen Nıkolaı Patrýshevtiń tóraǵalyǵymen Qaýipsizdik Keńesteri apparattary arasynda josparly konsýltasııalar ótti, dep habarlady Qazaqstan Prezıdentiniń baspasóz qyzmeti.
Konsýltasııaǵa, sondaı-aq, eki eldiń tıisti memlekettik organdarynyń basshylary men jaýapty qyzmetkerleri qatysty.
Taraptar Ortalyq Azııadaǵy jáne Aýǵanstandaǵy ahýaldy qamtı otyryp, qaýipsizdik salasyndaǵy ekijaqty jáne kópjaqty yntymaqtastyqtyń ózekti máselelerin, 2015 jylǵy 1 qańtardan EAEO qyzmetiniń bastalýyna baılanysty ózara is-qımyldardy talqylady.
Sondaı-aq, dinı ekstremızmge jáne terrorızmge qarsy is-qımyl, áskerı-tehnıkalyq yntymaqtastyq pen kóshi-qon úderisterin retteý salalaryndaǵy túrli máseleler jóninde pikir almasyldy.
Konsýltasııalar qorytyndysy boıynsha qol jetken ýaǵdalastyqtardy júzege asyrý maqsatynda hattama ázirlendi.