Aqmola oblysynda qutqarýshylar, polıseıler men orman qorǵaýshylary jeke úıdiń aýlasynan jabaıy sileýsindi ustady. Jyrtqysh áli bir jasqa tolmaǵan bóltirik bolyp shyqty, dep habarlaıdy Egemen.kz.
Oqıǵa Sandyqtaý aýdanynyń Balkashıno aýylynda boldy. Jeke úılerdiń biriniń aýlasyna jabaıy sileýsin kirip ketken – bul óńir úshin sırek kezdesetin jaǵdaı. Shaqyrtý boıynsha oqıǵa ornyna tótenshe jaǵdaılar departamenti qyzmetkerleri, orman qorǵaýshylary men polıseıler jetti. Janýarǵa esh zııan keltirmeı ustaldy.
Kýágerlerdiń aıtýynsha, odan buryn sileýsin aýlada júrgen úı mysyǵymen “janjaldasyp” úlgergen. Keıinirek belgili bolǵandaı, ustalǵan jyrtqyshtyń jasy birge de tolmaǵan. Ol óz betinshe ómir súrip kete almaıtyn bolǵandyqtan, ony ańshylyq sharýashylyǵyna qaldyryldy.
Mamandardyń aıtýynsha, sileýsin kúsh jınap, beıimdelgen soń shamamen qysqa nemese kóktemge qaraı qaıtadan tabıǵatqa jiberiledi. Al jyrtqyshtyń aýyl ortasyna qalaı tap bolǵany jáne anasynyń qaıda ketkeni belgisiz.