Túrkistanda «TURKISTAN WORLD CRAFT FEST-2025» halyqaralyq festıvali ótýde. Aýqymdy is-sharanyń alǵashqy kúni «Qolónershiler ortalyǵy» ashylyp, paıdalanýǵa berildi, dep habarlaıdy Egemen.kz.
Halyqaralyq festıvalge qurmetti qonaq retinde tarazdyq qolónershiler de shaqyrylǵan bolatyn. Arnaıy delegasııany Taraz qalasynyń ákimi Baqytjan Orynbekovtiń ózi bastap bardy.
Festıval aıasynda áýlıeatalyq 30-dan astam qolónershiniń júnnen jasalǵan buıymdary kópshilik nazaryna usynyldy.. Festıval úsh kúnge jalǵasady.
Eske sala ketsek, 2022 jyly Taraz Dúnıejúzilik qolónershiler qalalarynyń tizimine 56-shy bolyp engen bolatyn. Bıyl olardyń qatary Túrkistan qalasymen tolyqty. Túrkistandyq qolónershiler bul tizimge qyshtan jasalǵan buıymdarymen enip otyr. Jalpy, Qazaqstan boıynsha Dúnıejúzilik qolónershiler qalalarynyń tizimine tek Taraz, Almaty, Túrkistan qalalary ǵana engen.
Taraz.