1 qyrkúıektegi málimet boıynsha Qazaqstan aýmaǵynda jergilikti atqarýshy organdardyń ruqsatymen 15 054 shetel azamaty eńbek etip júr, dep jazady Egemen.kz.
Elimizde basshylar men olardyń orynbasarlary úshin 561 ruqsat (birinshi sanat), qurylymdyq bólimshelerdiń basshylary úshin shetel jumys kúshin tartýǵa 2 348 ruqsat berilgen (ekinshi sanat). Tartylǵan shetel jumys kúshiniń negizgi bóligi úshinshi (mamandar) jáne tórtinshi (bilikti jumysshylar) sanattarǵa tıesili. Sondaı-aq maýsymdyq jumystarǵa 3 099 adam, al korporatıvtik aýystyrý aıasynda 4 015 adam tartylǵan.
Qazir elimizde 1 909 jumys berýshi shetel jumys kúshin (ShJK) paıdalanady. Olarda 341 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96 paıyzyn quraıdy.
Ekonomıkalyq qyzmet túrleri boıynsha eń kóp qurylys salasynda – 4 929 adam, aýyl, orman jáne balyq sharýashylyǵy – 3 140 adam, taý-ken ónerkásibi jáne karerlerdi qazý – 1 240 adam, óńdeý ónerkásibi – 1 122 adam jumys isteıdi.
Eńbek mıgranttary keletin negizgi elder arasynda Qytaı (5 545 adam), О́zbekstan (2 696 adam), Túrkııa (1 076 adam), Úndistan (1 052 adam) bar.