26–28 qyrkúıek kúnderi Túrkistanda Asia Triathlon Cup Turkestan 2025 jarysy ótti. Túrki dúnıesiniń rýhanı astanasynda uıymdastyrylǵan dodaǵa Azııamen qosa Eýropanyń myqty trıatletteri jınaldy. Barlyǵy 12 eldiń sportshylary baq synady, dep habarlaıdy Egemen.kz.
Jarys birneshe sanat boıynsha ótkizildi:
Elite – 1,5 km júzý + 40 km veloetap + 10 km júgirý;
Junior – 750 m júzý + 20 km veloetap + 5 km júgirý;
Age Group – standartty qashyqtyq.
Jeńimpazdar men júldegerlerElite Men: altyn men qola Reseı sportshylaryna buıyrsa, kúmis júldeni qazaqstandyq Daryn Qonysbaev jeńip aldy.
Elite Women: Reseıden Tatıana Baskakova chempıon atandy. Japonııalyq Mınorı Ikeno kúmis, Belarýs ókili Alına Sınevıch qola júlde ıelendi.
Junior Men: tuǵyrdyń úsh ornyn da qazaqstandyqtar baǵyndyrdy. Birinshi oryn – Elmýrat Qanaı, ekinshi – Arsenıı Shevchenko, úshinshi – Nıkıta Dýbovıskıı.
Junior Women: altyndy Aıda Kım (Qazaqstan) jeńip alsa, kúmis qyrǵyzstandyq Ralına Artyqhodjaevaǵa buıyrdy. Úshinshi orynǵa taǵy bir qazaqstandyq sportshy Ramına Agabaeva kóterildi.
Jarys barysynda qazaqstandyq atletter joǵary deńgeıde óner kórsetip, Olımpıada reıtınginde upaı jınaý múmkindigin arttyrdy.
Sonymen qatar, Age Group sanatynda elimizdiń 93 sportshysy men bir komandasy baq synady. Eń jas qatysýshy – 2007 jyly týǵan jasóspirim bolsa, eń tájirıbeli sportshy – 1964 jylǵy trıatlet.
Jarysqa aty ańyzǵa aınalǵan sportshy, alty dúrkin Ironman álem chempıony Mark Allen arnaıy kelip, qatysýshylarǵa sáttilik tilep, shabyt berdi.