Elimizde keler jyldan bastap ózin-ózi jumyspen qamtyǵandarǵa arnalǵan arnaıy salyq rejımi engiziledi. Bul týraly Qarjy mınıstrligi Memlekettik kirister komıteti habarlady, dep jazady Egemen.kz.
Jańa erejege sáıkes, ınternet-platformalar arqyly qyzmet kórsetetin taksıster men kýrerlerdiń salyqtary men áleýmettik tólemderin endi sol platformalardyń ózderi aýdarady. Iаǵnı, Iаndeks Go, Glovo sııaqty servıster oryndaýshylardyń tabysynan 4%-yn ustap qalyp, bıýdjetke jiberip otyrady.
Memlekettik kirister komıtetiniń túsindirýinshe, bul júıe salyq tóleýshilerdi esep júrgizýden, chek berýden, esep tapsyrýdan bosatady. Barlyq úderis avtomattandyrylady.
«Qoldanystaǵy kodekste olar jeke kásipker retinde 3% tóleıdi nemese jaldamaly jumysshy bolsa 10%, oǵan qosa áleýmettik jarnalar, zeınetaqy aýdarymdary bar. Al jańa kodekste barlyǵy 4% ǵana – ár baǵytqa 1%-dan. Bul eń tómengi mólsherleme ári ashyq jumys isteýge múmkindik beredi», dedi Memlekettik kirister komıtetiniń basqarma basshysy Erqanat Shynbergen.
Jańa tártip boıynsha tabystyń 4%-y áleýmettik tólemderge bólinedi: Biryńǵaı jınaqtaýshy zeınetaqy qoryna, Áleýmettik saqtandyrý qoryna, áleýmettik aýdarymdarǵa, mindetti áleýmettik medısınalyq saqtandyrýǵa. Sonymen qatar jaldamaly jumys kúshin paıdalanýǵa tyıym salynady, aılyq tabys 300 aılyq eseptik kórsetkishten aspaýy tıis (2026 jyly shamamen 1,3 mln teńge), ári jeke kásipker retinde tirkelmeý qajet.