Almaty — Bishkek tas jolynda bolǵan jol apatynan segiz adam qaza tapty, dep habarlaıdy Egemen.kz Almaty oblysy Polısııa departamentiniń baspasóz qyzmetine silteme jasap.
Almaty oblysynyń PD málimetinshe, Almaty – Bishkek avtojolynyń 107-shaqyrymynda bolǵan jol-kólik oqıǵasy faktisi boıynsha polısııa qyzmetkerleri sotqa deıingi tergeýdi bastady.
«Aldyn ala derekterge sáıkes, Lexus kóligi qarsy jolaqqa shyǵyp ketip, Toyota Alphard avtokóligimen soqtyǵysqan. Jol apaty saldarynan alǵan jaraqattarynan segiz adam oqıǵa ornynda kóz jumdy, taǵy ekeýi aýrýhanaǵa jetkizildi», dep habarlady vedomstvonyń baspasóz qyzmeti.
Qazir oqıǵanyń mán-jaıyn anyqtaý úshin barlyq qajetti tergeý sharalary júrgizilip jatyr.
Polısııa júrgizýshilerge jol qozǵalysy erejelerin qatań saqtap, jolda barynsha muqııat bolýdy eskertti.