Taldyqorǵan qalasyndaǵy «Jastar» sport saraıynda grek-rım, erkin kúres jáne áıelder kúresinen Qazaqstan Respýblıkasynyń IV Spartakıadasynyń saltanatty ashylý rásimi bolyp ótti.
Sporttyq jarysty Almaty oblysynyń ákimi Amandyq Batalov saltanatty túrde ashyq dep jarııalap, sportshylarǵa jeńis tiledi:
– Qurmetti sportshylar! Taldyqorǵan qalasyna hosh keldińizder! Búgin qalamyzdaǵy «Jastar» sport saraıynda úlken sporttyq jarys ashylyp otyr. Jer jánnaty Jetisý ólkesinde bastalǵan dúbirli dodada barshańyzǵa sáttilik tileımin. Sport dodasynda joǵary jetistikterge jettińizder, – dedi oblys ákimi.
Sonymen qatar, saltanatty ashylý rásiminde qazaqtan shyqqan tuńǵysh Olımpıada chempıony Jaqsylyq Úshkempirov, grek-rım kúresinen Qazaqstannyń eńbek sińirgen sport sheberi, FILA Bıýrosynyń múshesi Dáýlet Turlyhanov, Qazaqstan Kúres federasııasynyń prezıdenti Saýat Myńbaev sportshylarǵa jeńis tiledi.
21 aqpanǵa deıin sozylatyn bul jarysqa respýblıkamyzdyń birqatar oblystarynan 500-ge jýyq sportshy qatysýda.
Nurbol Áldibaev,
«Egemen Qazaqstan».
TALDYQORǴAN.