Germanııada 100 jastan asqan qarııalardyń qatary kóbeıip keledi. 2024 jyly elde ǵasyr jasaǵan 17 900 adam tirkelgen. Bul 2011 jylmen salystyrǵanda shamamen 25 paıyzǵa kóp.
Munda áıelderdiń ortasha jasy 83,2 jyl, bul er adamdar kórsetkishinen bes jylǵa artyq. Ǵalymdar mundaı statıstıkany halyqtyń ómir súrý jaǵdaıynyń jaqsarýy, ál-aýqatynyń artýy jáne medısınanyń damýy dep túsindiredi. Degenmen, Maks Plank qoǵamynyń Qartaıý bıologııasy ınstıtýty adam aǵzasynyń tabıǵı shegi shamamen 120 jyl ekenin aıtady.