Pavlodarda ornalasqan JES-2 kásipornynda taǵy bir qaıǵyly jaǵdaı oryn aldy, dep habarlaıdy Egemen.kz.
«2025 jylǵy 23 qyrkúıekte «Pavlodarenergo» AQ JES-2 nysanynda «Ekibastuz» JK merdiger uıymynyń jumysshylary jumys barysynda jazataıym oqıǵaǵa tap boldy. Nátıjesinde 1992 jyly týǵan 4-razrıadty dánekerleýshi qaza tapty. Qazirgi ýaqytta bolǵan oqıǵanyń mán-jaıy anyqtalyp jatyr», dedi Pavlodar oblysy boıynsha Eńbek memlekettik ınspeksııasy komıtetiniń ókili Abylaı Sabyrov.
«Pavlodarenergo» AQ-tyń túpkilikti aksıoneri – kásipkerler Aleksandr Klebanov pen Sergeı Kan baqylaýyndaǵy Ortalyq Azııa Elektroenergetıkalyq korporasııasy (SAEK).