«KNAUF» kompanııasynyń qoldaýymen Taraz qalasyndaǵy Jambyl polıtehnıkalyq joǵary kolledjinde halyqaralyq deńgeıdegi «Qurǵaq qurylys jáne sylaq jumystary» sheberlik ortalyǵy ashyldy, dep habarlaıdy Egemen.kz.
Oblys ákimdigi bilim basqarmasynyń basshysy Nurbek Orshybekovtiń aıtýynsha, halyqaralyq kompanııamen birlese júzege asyp jatqan joba bolashaqta mamandardyń kásibıligin arttyryp, bilikti mamandarǵa degen suranysty qalyptastyrady.
Ataýly jıynnyń ortasynan tabylǵan «Talap» kommersııalyq emes aksıonerlik qoǵamynyń vıse-prezıdenti Alıbek Ahmetov, M.Tynyshpaev atyndaǵy ALT Universitydiń quryltaıshysy, Dırektorlar keńesiniń tóraǵasy Arslan Seriktegi, «KNAUF Gıps Kapchagaı» kompanııasynyń aımaqtyq menedjeri Almas Beknazarov tehnıkalyq jáne kásibı mamandardy daıarlaý baǵytynda kásiporyndarda atqarylyp jatqan jumystardy baıandady.
Jańa ortalyq stýdentterge zamanaýı qurylys tehnologııalaryn ıgerýge, praktıkalyq daǵdylaryn shyńdaýǵa jáne eńbek naryǵynda básekege qabiletti maman bolyp qalyptasýǵa múmkindik beredi. Bul bastama «WorldSkills International» sııaqty halyqaralyq qozǵalystar men yqpaldastyqta kásibı bilim berý júıesin damytýǵa jol ashpaq. ALT University men Jambyl polıtehnıkalyq joǵary kolledjiniń yntymaqtastyǵy aımaqta tehnıkalyq jáne kásiptik bilim berýdi damytýda jańa serpin berip otyr.
Taraz