Rýdnyı prokýratýrasynyń úılestirýimen Temirtaý qalasynyń 16 jastaǵy turǵyny qolǵa tústi. Jeke tekserý kezinde onyń qaltasynan «mefedron» salynǵan túıinshekter tabyldy, dep habarlaıdy Egemen.kz prokýratýranyń aqparatyna silteme jasaı otyryp.
Onyń úıin tintý kezinde satýǵa daıyndap qoıǵan 200-den astam oram anyqtalǵan kórinedi.
«Sot-hımııalyq saraptama tárkilengen zattyń psıhotroptyq ekendigin rastady. Qazir bul derek boıynsha QR Qylmystyq kodeksiniń 297-baby 3-bóligimen sotqa deıingi tergeý bastalyp, kúdikti qamaýǵa alyndy», - dep habarlaıdy prokýratýra.
Budan ózge, prokýratýranyń málimetine súıensek, tamyz aıynda Rýdnyı qalasynda turǵyndardyń shaǵymy boıynsha ǵımarat qabyrǵalaryna esirtki nasıhatyn bildiretin graffıtı salǵan 14 jáne 16 jastaǵy eki jasóspirim ustalǵan edi. Bul fakti boıynsha qylmystyq is qozǵaldy.