Batys Qazaqstan oblystyq tarıhı-ólketaný mýzeıi «Kóne kitaptar men qoljazbalar, fotosýretterdi jınaý» atty aýqymdy joba bastady. Bastama az ýaqyttyń ishinde halyqtan zor qoldaý tapty.
– Bul jobanyń maqsaty – halyq arasynda saqtalǵan kóne kitap, qoljazba, hattar men fotosýretterdi jınaqtap, olardy tarıhı aınalymǵa engizý, zertteý jáne urpaqqa mura etý, – deıdi mýzeı dırektory Jantas Safýllın.
Bastama avtory Jantas Nabıollauly jobanyń tarıhı, ǵylymı jáne mádenı mańyzdylyǵyna toqtalyp, bıyl 150 jyldyq mereıtoıy atalyp otyrǵan uly aǵartýshy-aqyn Ǵumar Qarashqa qatysty birneshe papka qundy qujatty mýzeı qoryna ótkizdi. Onyń ishinde aqynnyń 1911 jyly basylǵan «О́rnek» kitabynyń túpnusqasy da bar. Bul dúnıeler 2012 jyly Máskeý qalasynda turǵan Ǵumar Qarashtyń nemeresi Nádııa Burhanqyzynan alynǵan eken.
Joba boıynsha halyq qolyndaǵy qoljazba, qundy qujattardyń túpnusqasy da, kóshirmesi de jınaqtala beredi. Nátıjesinde, mýzeı qory jańa jádigerlermen tolyǵyp, olar ǵylymı saraptamadan ótip, zerttelip, kórmeler arqyly kópshilik nazaryna usynylady.
Joba bastalǵaly az ýaqyt ótse de turǵyndar arasynda erekshe qozǵalys týyp jatyr. Ásirese úlkender jaǵy sandyq túbindegi sarǵaıǵan kitap, dápterdiń shańyn qaǵyp, jergilikti mýzeılerge jetkizgen. Sonyń ishinde ardager Amangeldi Ýálıev tapsyrǵan 1928 jyly 1 mamyrda Jánibek aýylynda ótken sherýdiń fotosýreti, basqa da kóne kitap, qoljazbalar bar.
Batys Qazaqstan oblysy