Anglııa shirkeýiniń 1400 jyldyq tarıhynda alǵash ret tarıhı sheshim qabyldandy. Sara Mýllallı Kenterberı arhıepıskopy qyzmetine taǵaıyndalǵan alǵashqy áıel boldy. Bul týraly Ulybrıtanııa premer-mınıstri Kır Starmerdiń keńsesi habarlady, dep jazady Egemen.kz.
Buǵan deıin Mallallı London epıskopy qyzmetin atqaryp, shirkeý basshylyǵyndaǵy bedeldi tulǵalardyń biri atanǵan.
Oǵan deıingi arhıepıskop Djastın Ýelbıdiń otstavkaǵa ketýi men shirkeýdegi zorlyq-zombylyq isterine qatysty janjaldardan keıin, onyń taǵaıyndalýy qaıtadan kópshiliktiń senimine kirý áreketi retinde qarastyrylyp otyr.
Arhıepıskop retinde Mýllallı búkil álemdegi shamamen 85 mıllıon dindardan turatyn Anglıkan qaýymdastyǵynyń rýhanı jetekshisi bolady.
Taǵaıyndaýdy koroldik áýlet bekitip qoıdy. Saltanatty shara ótken soń, ol óz qyzmetine resmı túrde kirisedi.
Anglııa shirkeýinde áıelderge dinı qyzmetker bolýǵa 1994 jyldan bastap ruqsat berildi. Al epıskop bolý máselesin shirkeý alǵash ret 2014 jyly qarady. Uzaq talqylaýlardan keıin Bas sınod áıelderge epıskop bolýǵa da múmkindik berýdi maquldady.