Eldegi 6-9 jas aralyǵyndaǵy ár besinshi bala semizdikke shaldyqqan. Bul týraly ortalyq kommýnıkasııalar qyzmetinde ótip jatqan dóńgelek ústelde Qazaq taǵamtaný akademııasynyń vıse-prezıdenti Aqkúmis Salhanova málimdedi, dep habarlaıdy Egemen.kz.
Sózinshe, Dúnıejúzilik densaýlyq saqtaý uıymy artyq salmaǵy bar bala sany jyl saıyn ósip kele jatqanyna dabyl qaqqan. Elimizdegi jaǵdaı da kóńil kónshitpeıdi.
«Qazir elimizde 6-9 jas aralyǵyndaǵy ár besinshi balada artyq salmaq bar nemese semizdikke shaldyqqan. Osy úrdisti toqtatpasaq, 2035 jylǵa qaraı artyq salmaǵy bar balalar men jasóspirimder sany 1,9 mıllıonnan asýy múmkin», deıdi Salhanova.
Saldarynan keleshekte jastar qant dıabeti, júrek-qan tamyrlary jáne basqa da sozylmaly aýrýlarǵa shaldyǵýy múmkin.
Sondaı-aq bul ekonomıkaǵa da áser etedi. Dúnıejúzilik semizdikke qarsy federasııasynyń boljamyna sáıkes, artyq salmaq Qazaqstannyń jalpy ishki ónimin jyl saıyn 2-2,5%-ǵa deıin tómendetýi múmkin