Pavlodar oblysyndaǵy Qalatuz kólinde artemııa shaıanynyń jumyrtqalaryn zańsyz súzip júrgen úsh azamat qolǵa tústi. Brakonerler tabıǵatqa 83 mln teńgeden astam zalal keltirgen, dep habarlaıdy Egemen.kz.
«Zaısan-Ertis oblysaralyq basseındik balyq sharýashylyǵy ınspeksııasy» RMM-niń Pavlodar oblysy boıynsha balyq ınspeksııa bólimi men oblystyq mamandandyrylǵan tabıǵat qorǵaý prokýratýrasynyń qyzmetkerleri reıd barysynda zań buzǵan jergilikti úsh turǵyndy anyqtady. Olar Aqqýly aýdanyndaǵy Qalatuz kólinde artemııa salına shaıanynyń jumyrtqalaryn zańsyz óndirgen.
- Tekserý nátıjesinde jalpy salmaǵy 7 065 kg bolatyn 157 qap mólsherinde daıyndalǵan artemııa jumyrtqalary tabyldy. Aldyn ala esep boıynsha keltirilgen zalal kólemi 83 338 740 teńgeni quraıdy, - dep habarlady «Zaısan-Ertis» oblysaralyq basseındik balyq sharýashylyǵy ınspeksııasynan.
QR Qylmystyq kodeksiniń 335-baby 4-tarmaǵynda kózdelgen zańsyzdyqqa sáıkes materıaldar qylmystyq is qozǵaý úshin polısııaǵa berilgen.
Pavlodar oblysy