Syılastyq úndestigi

Bolgarııadaǵy Sofııa ýnıversıtetinde Qazaq tili jáne Qazaqstan tarıhy men mádenıetin zerdeleý ortalyǵy ashyldy. Naýryz merekesiniń qarsa­ńynda Sofııa ýnıversıtetiniń Shyǵys tilderi men mádenıeti ortalyǵynda Qazaq tili jáne Qazaqstan tarıhy men mádenıetin zerdeleý ortalyǵynyń saltanatty ashylýy ótti. Is-shara sheńberinde, Qa­zaq­stannyń Bolgarııadaǵy Dıplomatııalyq mıssııasynyń basshysy Temirtaı Izbastın jáne Sofııa ýnıversıtetiniń rektory I.Ilchev Qazaqstannyń Bolgarııadaǵy Dıplomatııalyq mıssııasy jáne Sofııa ýnıver­sıteti arasyndaǵy ózara túsinistik týraly memorandýmǵa qol qoıdy. Memorandým qazaq jáne bolgar taraptaryna mádenıet, ǵylym jáne bilim berý salasyndaǵy yntymaqtastyqty odan ári damytýǵa múmkindik beredi. «Qazaq tili» pánin oqý Eýro­pada alǵash ret bolgar túr­ki­taný­shysy Emıl Boev Sofııa ýnı­versıtetiniń akademııalyq baǵdar­lamasyna engizgen. Búgin Qazaqstannyń Bolgarııadaǵy Dıp­lomatııalyq mıssııasy men Qurmetti konsýldiginiń kúsh-jigerleriniń arqasynda, Sofııa ýnıversıtetiniń qol­daýymen, Qa­zaq tili ortalyǵy jóndelip, qazaq tilin úırenetin stýdentter úshin zamanaýı jabdyqpen já­ne oqý quraldarymen qamsyz­dan­dyryldy. Is-shara qonaqtary ishinde Qazaqstan azamattary jáne dıas­pora ókilderi, shet memleketter dıplomatııalyq ókildik­teriniń basshylary, depýtattar, Bolgarııanyń baspasóz, akade­mııalyq jáne qoǵamdyq orta­larynyń ókilderi boldy. «Egemen-aqparat».