Meıirim ordasy

Kásibı baǵdar berý maq­satynda mektep-ınternatta oqýshylardyń áleýmettik qoldaýy men maman­dyq tańdaýyna, bilim alýyna jáne bolashaqta óz salasy boıynsha tabysty jumys istep, ómir­de óz ornyn tabýyna járdemdesý baǵytynda júıeli jumystar at­qarylyp otyr. Búgingi kúni mek­tepte 180 bala tárbıelenedi.

Pedagog mamandar úshin mektep oqýshylarynyń jetistikteri, úlgerim nátıjesi basty nazarda tur. Osy oraıda mektep-ın­ternattyń túlekteri Danııar Serikbaıdyń S.Asfendııarov atyndaǵy qazaq ulttyq medı­sına­lyq ýnıversıtetine, Roman Stepanes QazITÝ-ǵa oqýǵa tú­sýin maqtanyshpen jetkizgen dırek­tor Baqytgúl Ermekova bala­lar­dyń damýyna, tulǵalyq qalyp­ta­sýyna qolaıly jaǵdaılar jasalǵanyn jetkizdi.

– Mektep-ınternatqa qa­byl­­daý psıhologııalyq-medısı­na­­lyq-pedagogıkalyq keńestiń she­­shimimen júrgiziledi. Birinshi synypqa qabyldanǵannan ke­ıin balalar negizgi orta bilim alyp shyǵady. Mektebimizde mem­lekettik bilim berý standar­tynan tys psıhologııalyq-fızıo­lo­gııalyq erekshelikterine sáı­kes arnaıy oqý baǵdarlamasyn qol­daný tájirıbesi jemisin be­rip otyr. Ol pedagogıkalyq ujymnyń sabaqty qyzyqty ót­kizýge, balalarǵa shabyt syı­­laýǵa barynsha tyrysýynyń nátı­­­je­­si der edim. О́ıtkeni pedagog-psıholog, logoped, ıaǵnı til, dene qı­myly buzylystaryn tanıtyn ma­mandar bala mektepke kelgen al­ǵashqy kúnnen bastap tulǵa­lyq psıhologııalyq-fızıkalyq erekshelikterin zertteý boıyn­sha jumystar júrgize bastaıdy. Eń bastysy – balanyń densaýly­ǵyn saqtaý, boıyndaǵy buzylys­tyń kúrdeliligine qaramastan oqýǵa, tárbıege baýlý. Qazirgi kezde zamanaýı múmkindikterdi qoldana otyryp, bilim quraldary, eńbek daıyndyǵy arqyly damýyn­da­ǵy kedergilerdi túzeý, qoǵammen yq­paldasýy úshin áleýmettik-psı­hologııalyq ońaltý, aqyl-es jáne fızıkalyq damýy, kóńil-kúı er­kin­digindegi jetispeýshilikterdi túzetý, jeke oqý úrdisi arqyly bilim berýge yntalandyrý, adap­tıvti múmkindikterin art­tyra­tyn qundylyqtaryn qalyp­tas­tyrý boıynsha jumys istelip ja­tyr, – dedi dırektor.

Mektep logoped, psıholog ma­­­mandardyń jumys tıim­dili­gin arttyrý maqsatynda mýltı­medııalyq qurylǵylardy qol­danady. Al korreksııalyq ju­mys­tar barysynda oqýshy­lar­ǵa psıhologııalyq qoldaý kór­setiledi. Logopedtik jumystar oqýshynyń jazý, oqý barysyn­da týyndaıtyn qıyndyqtardan ­arylýyna yqpal etedi desek, mektepte balalardyń bilim alýmen qatar shyǵarmashylyq daǵdylarǵa da mashyqtanýyna qolaıly múmkindik jasalǵan. Bilim berý barysynda qolda­ny­lyp jatqan jańa tehnolo­gııalar balalardyń jan-jaq­ty damýyna baǵyttalyp, oqý kabı­net­terindegi ınteraktıvti taq­ta­lar qyzyqty aqparattardy keńinen qoldanýǵa múmkindik beredi.

Mektep dırektorynyń aıtýynsha, negizgi salmaq pedagog mamandarǵa túsip otyr. Degenmen pedagogıkalyq quram óz bilik­tilik údesinen shyǵa otyryp, oqý materıaldaryn balalarǵa barynsha túsinikti, tartymdy etýge tyrysady.

Zertteýshi-pedagogter Ǵazıza Sargelova, Lılııa Arsankýlova, Nurzıpa Bekbasova bala oqy­týmen qatar oqý-ádistemelik ma­te­rıaldardy, tıptik oqý baǵ­dar­lamalaryn ázirleý men aınalysyp keledi. Mektep dırektory Baqytgúl Ermekova atap ótkendeı, ustazdar eńbegi­niń nátıjesinde bilim berý úrdisi barynsha jetildirilgen. Mek­tep muǵalimderiniń shetelderden jınaǵan tájirıbesi mek­tep ómirinde ǵana emes, balalar­dyń qoǵammen yqpaldasýynda, psı­­hı­kalyq-fızıologııalyq baǵ­­darlamalardy paıdalanýda tıimdi qoldanylyp keledi. Osy maqsatta dırektordyń oqý isi jónindegi orynbasary Gýlııa Darybaeva men pedagog-psı­holog Valentına Tıýrına Horva­tııa jáne Nıderland eline, al mek­tep dırektory Japonııa, Sınga­pýr, Malaızııaǵa saparyn atap ótýge bolady.

Mektep-ınternatta sheber pe­dagog, emdeý fızıkalyq ba­ǵyt boıynsha tıptik oqý baǵ­dar­lamasynyń ázirleýshisi Natalıa Keferdiń pedagogıkalyq, zert­teýshilik qyzmeti nátıjeli iske asyp otyr. Bilikti maman Sport jáne týrızm akademııasynda sabaq bere júrip, kóptegen jylǵy tájirıbesimen bólisýdi pedagogtik qyzmetiniń ajyramas bólshegine aınaldyrǵan. Qazirgi kezde dene shynyqtyrý salasynyń mamandaryn daıarlaýmen de aınalysyp júrgen maman balalarmen jumysta óte joǵary sheberlik qajet eke­nin aıtady. Al respýblıka kóleminde júzege asyp jatqan «Birtutas tárbıe – adal azamat»­ baǵdarlamasy dırektordyń tár­bıe isi jónindegi orynbasary Janar Quttyqadamovanyń jetekshiligimen iske asyp keledi. Bul baǵytta mektepishilik sharalar balalardyń birlesip jumys isteýine baǵyttalǵan.

Mektep mamandarynyń bıylǵy oqý jylyndaǵy kásibı jetistikterine keletin bolsaq, pedagog-zertteýshi Alma Myl­tyq­baeva Almaty qalasy ákimi­niń «Eńbek adamy – 2025» Al­ǵys­hatynyń ıegeri atansa, peda­gog-zertteýshi, logopedi Úmit Esem­baeva «Arnaıy pedagogıka» XVII respýblıkalyq olımpıadasy qazylar alqasynyń quramyna kirdi. Al sońǵy eki jylda mek­teptiń 23 pedagogi «Perkins» ha­lyqaralyq mektebinde bilimin jetildirgen. Ondaǵy maqsat – kóptegen buzylystary bar bala­larǵa bilim berýde aldyńǵy qa­tarly pedagogıkalyq tehno­lo­gııa­lardy engizý. Qazirgi kez­de «Perkins» tájirıbesi negizin­de mektepte resýrsty kabınet jumys isteıdi.

ALMATY