Jumysshy mamandyqtar jyly aıasynda búgin Aqtaý qalasynda Qazaqstannyń bastamasymen tuńǵysh TurkicSkills halyqaralyq kásibı sheberlik chempıonatynyń ashylý saltanaty ótti - dep habarlaıdy Oqý-aǵartý mınıstrliginiń baspasóz qyzmeti.
Chempıonatqa Túrki memleketterinen kelgen tehnıkalyq jáne kásiptik uıymdarynyń stýdentteri, sarapshylar sala ókilderi qatysýda.
Is-sharanyń basty maqsaty — tehnıkalyq jáne kásiptik bilim berý júıesinde úzdik tájirıbeni taratý, halyqaralyq yntymaqtastyqty nyǵaıtý jáne jastardyń kásibı áleýetin arttyrý.
Chempıonattyń ashylý saltanatyna QR Oqý-aǵartý birinshi vıse-mınıstri Maıra Meldebekova qatysty.
«Memleket basshysy Qasym-Jomart Toqaevtyń 2025 jyldy Jumysshy mamandyqtar jyly - dep jarııalaýy — tehnıkalyq jáne kásiptik bilim berý júıesin jańǵyrtýdyń mańyzdy kezeńiniń bastalýy boldy. TurkicSkills chempıonaty — osy jyldyń basty oqıǵalarynyń biri. Bul alań jastardyń kásibı sheberligin kórsetip qana qoımaı, túrki elderi arasyndaǵy yntymaqtastyqty, tájirıbe almasýdy tereńdetedi», — dedi QR Oqý-aǵartý vıse-mınıstri Maıra Meldebekova.
Chempıonatqa 70-ten astam stýdentter men jas maman jáne 90 sarapshy qatysýda. Olar ınjenerııa, aqparattyq tehnologııalar, óndiris, robototehnıka jáne qyzmet kórsetý salalary boıynsha baq synaıdy.TurkicSkills chempıonaty 9 qazanǵa deıin jalǵasady.