Qaraǵandy oblysynda tabıǵatty qorǵaý polısııasy men «Karohotrybprom» JShS ańshy ınspektorlary túngi reıd kezinde zańsyz ańshylyq faktisin tirkedi. Túngi saǵat 2 shamasynda elik atqan 48 jáne 40 jastaǵy eki qala turǵyny ustaldy, dep habarlaıdy Egemen.kz.
Tekserý barysynda olardyń tek bir lısenzııa rásimdep, ony tirketpegeni anyqtaldy. Tabıǵatty qorǵaý polısııasy qyzmetkerleriniń aıtýynsha, bul – ańshylyq erejelerin óreskel buzý bolyp sanalady.
Oqıǵa ornynan eki eliktiń týshasy, bir uńǵyly myltyq jáne birneshe patron aıǵaq zat retinde tárkilendi. Atalǵan derek boıynsha QR Qylmystyq kodeksiniń 337-babyna sáıkes qylmystyq is qozǵaldy.