Mysyr astanasy Kaırde Izraıl men Hamas ókilderi Gazadaǵy soǵysty toqtatý jónindegi kelissózderdi bastady. Kezdesý Mysyr tarapynyń araǵaıyndyǵymen ótip jatyr. Alǵashqy kezeńde taraptar ızraıldik tutqyndar men palestınalyqtardy bosatý máselesin talqylaıdy dep kútiledi. Bul týraly halyqaralyq aqparat agenttikteri habarlady, dep jazady Egemen.kz.
Buǵan deıin AQSh Prezıdenti Donald Tramp eki tarapty «tez áreket etýge» shaqyryp, kelissóz prosesin jedeldetýdiń mańyzyn atap ótken bolatyn. Aq úıdiń málimetinshe, eger taraptar tutqyndar almasý jáne atysty toqtatý tetigi boıynsha ortaq sheshimge kelse, ýaqytsha bitim jarııalanýy yqtımal.
Degenmen, Gazadaǵy ahýal ázirge kúrdeli kúıinde qalyp otyr. Hamas ókilderiniń dereginshe, sońǵy táýlikte anklav astanasyna jasalǵan áýe soqqylarynan ondaǵan beıbit turǵyn qaza tapqan. Izraıl tarapy muny «qarymta áskerı operasııa» dep túsindirip otyr.
BUU men Mysyr dıplomattary kelissózderden turaqty beıbitshilikke baǵyttalǵan naqty nátıjeler kútip otyr. Sarapshylardyń pikirinshe, Kaırdegi kezdesý qaqtyǵysty toqtatýǵa baǵyttalǵan mańyzdy kezeń bolmaq.