Stokgolm qalasynda dástúrli Nobel aptalyǵy óz shymyldyǵyn túrdi. Alǵashqy marapat ıegeri 6 qazanda belgili bolmaq. Bul kúni fızıologııa nemese medısına salasy boıynsha Nobel komıtetiniń tańdaýy jarııalanady, dep habarlaıdy Egemen.kz.
7 qazanda – fızıka, 8 qazanda – hımııa, 9 qazanda – ádebıet salasynyń laýreattary anyqtalady. Al 10 qazanda Nobeldiń eń kóp nazarǵa iligetin marapaty Beıbitshilik syılyǵynyń ıegeri jarııa etiledi. 13 qazanda ekonomıka boıynsha, dálirek aıtsaq, Alfred Nobeldiń qurmetine Shvesııa Ulttyq banki taǵaıyndaǵan syılyqtyń ıegeri anyqtalmaq.
Aıta keteıik, bıylǵy jyly AQSh prezıdenti Donald Trampty da Beıbitshilik syılyǵyna birneshe el usynǵan edi. Degenmen 3 qazanǵa deıingi derekterge sáıkes, onyń jeńý yqtımaldyǵy nebári 3 paıyzdy qurady. Eń joǵary múmkindikter azamattyq soǵys kezinde gýmanıtarlyq kómek kórsetýde mańyzdy ról atqarǵan Sýdannyń Tótenshe jaǵdaılarǵa den qoıý ortalyqtaryna (24%) jáne UNRWA-ǵa (9%) tıesili.