AQSh prezıdenti Donald Tramp 2026 jyldyń 14 maýsymynda Aq úıde tuńǵysh ret tarıhı UFC týrnıri ótetinin jarııa etti. Bul kún Tramptyń 80 jyldyq mereıtoıymen tuspa-tus kelip otyr, dep habarlaıdy Egemen.kz Daily Mail basylymyna silteme jasap.
Prezıdent bul týraly Vırdjınııa shtatyndaǵy Norfolk áskerı-teńiz bazasynda, AQSh Áskerı-teńiz kúshteriniń 250 jyldyq merekesine arnalǵan saltanatty jıynda aıtty.
Tramp UFC prezıdenti Dana Ýaıtty jaqyn dosy dep sanaıdy ári aralas jekpe-jek jankúıerlerin óz elektoratynyń bir bóligi retinde kóredi.Ýaıt Sports Business Journal-ǵa bergen suhbatynda: týrnır aıaqtalǵannan keıin Ońtústik alańdaǵy kógaldy tolyqtaı aýystyrý úshin 700 myń dollar bólinetinin málimdedi. Onyń aıtýynsha, jekpe-jekke qatysatyn sportshylar aldymen Doǵal kabınetten shyǵyp, sodan keıin ornatylatyn «Oktagonǵa» bet alady. Týrnırge 5 myńǵa jýyq kórermen qatysady dep kútiledi.Keshtiń basty juldyzdarynyń biri ırlandııalyq Konor Makgregor bolmaq. Ol UFC-degi sońǵy kezdesýin 2021 jyldyń shildesinde ótkizip, basty qarsylasy Dastın Porege ese jibergen edi.Jaqynda Makgregor óziniń oktagonǵa qaıta oralatynyn rastap, Aq úıdegi týrnırge daıyndalyp jatqanyn jetkizdi. Sondaı-aq ol Ýaıtpen kelissózder júrgizip, qaıtý jekpe-jegi Maıkl Chendlerge qarsy ótýi múmkin ekenin habarlady.