2026–2027 oqý jylynda engiziletin mektep oqýlyqtarynyń jobalary Bilim berý mazmunyn saraptaý ortalyǵynyń saıtynda qoǵamdyq talqylaýǵa usynyldy, dep jazady Egemen.kz.
Oqýlyqtardy talqylaý «Oqý ádebıetterin qoǵamdyq talqylaý» bóliminde júrgiziledi.
4-synyptarǵa arnalǵan «Qazaq tili», «Orys tili» (qazaq tilinde oqytatyn mektepter úshin), «Matematıka» (qazaq jáne orys tilderinde oqytatyn mektepter úshin), «Dúnıetaný», «Ádebıettik oqý» men 7–10 synyptarǵa arnalǵan «Dúnıejúzi tarıhy», «Algebra», «Qazaq tili», «Hımııa», «Bıologııa», «Fızıka», «Geografııa», «Quqyq negizderi», «Shetel tilderi» (aǵylshyn, nemis, fransýz tilderi) oqýlyqtary taldanady.
Onlaın formatta ótetin talqylaýǵa pedagogter, ǵalymdar, ádiskerler jáne mektep oqýlyqtarynyń sapasyna beı-jaı qaramaıtyn qazaqstandyqtar qatysa alady.
«Qoldanystaǵy zańnamaǵa sáıkes oqýlyqtar bes satyly saraptamadan ótedi: ǵylymı-pedagogıkalyq saraptama, pysyqtaý kezeńi, pılottyq mektepterde aprobasııa, qoǵamdyq talqylaý jáne pándik saraptamalyq komıssııanyń qorytyndysy. Qazir bul oqýlyqtar qoǵamdyq talqylaýmen qatar, elimizdiń birneshe óńirinde 34 pılottyq mektepte synaqtan ótip jatyr. Pándik saraptamalyq komıssııanyń sheshimimen barlyq kezeńnen ótken oqýlyqtar mektepterde qoldanýǵa jáne Qazaqstan Respýblıkasynyń Oqý-aǵartý mınıstrligi bekitetin oqýlyqtar tizbesine engizýge usynylady», delingen Oqý-aǵartý mınıstrliginiń habarlamasynda.