11-15 qazan kúnderi Úndistannyń Bhýbaneshvar qalasynda ústel tennısinen Azııa birinshiligi ótedi. Bul jarysta qurlyqtyń úzdik sportshylary bas qosyp, komandalyq jáne jeke syndarda baq synaıdy, dep habarlaıdy Egemen.kz.
Ulttyq olımpıadalyq komıtettiń habarlaýynsha, chempıonatqa Bangladeshten bastap Japonııaǵa deıingi 20-dan astam memleket sportshylary jınalady. Olardyń ishinde Qytaı, Koreıa, Iran, Sıngapýr syndy myqty quramalar da bar.
Qazaqstan atynan erler komandasynda Kırıll Gerasımenko, Alan Qurmanǵalıev, Aıdos Kenjiǵulov, Eskendir Harkı men Sanjar Jubanov óner kórsetedi. Áıelder quramynda Záýresh Aqasheva, Sarvınoz Mırkadırova, Ánel Baqyt, Janerke Kóshkimbaeva jáne Albına Jaqsylyqova el namysyn qorǵaıdy.