Shvesııa astanasy Stokgolm mańynan 6 kılogramnan astam ortaǵasyrlyq kúmis buıymdar tabyldy, dep jazady Egemen.kz.
Qazynany tapqan adam jazǵy úıiniń qasynda jer qoparyp júrgende, kútpegen jerden qymbat buıymdarǵa tap bolypty. Bulardyń ishinde 20 myńǵa jýyq moneta, sondaı-aq saqına, monshaq, alqa sııaqty áshekeıler bar. Mamandardyń aıtýynsha, osylardyń kóbi sırek kezdesetin ári jaqsy saqtalǵan úlgiler. Arheologtar qazir oljany zerttep, tirkeý jumystaryn júrgizip jatyr. Eldiń mádenı mura týraly zańy boıynsha, memleket bul qazynany satyp alýy tıis. Al tapqan adam eleýli syıaqy alady.