Premer-mınıstr Oljas Bektenovtiń tóraǵalyǵymen ótken Úkimet otyrysynda Mindetti áleýmettik medısınalyq saqtandyrý (MÁMS) júıesin jańǵyrtý sharalary qaraldy, dep habarlaıdy Egemen.kz.
«Memleket basshysynyń tapsyrmasy boıynsha mindetti áleýmettik medısınalyq saqtandyrý júıesin jańǵyrtý qolǵa alyndy. Tıisti jumys júrip jatyr. Ol medısınalyq kómektiń qoljetimdiligi men sapasyn arttyrýǵa múmkindik beredi», dep atap ótti Premer-mınıstr.
Úkimetiń baspasóz qyzmetiniń málimdeýinshe osy maqsattar úshin bıyl shilde aıynda MÁMS júıesin jetildirýge baǵyttalǵan zań qabyldandy. Ol medısınalyq kómektiń biryńǵaı paketine jáne saqtandyrý modeline kezeń-kezeńimen kóshýdi qamtamasyz etedi. Zań kórsetiletin qyzmetterdiń aıasyn keńeıtip, sapasyn arttyrýmen qatar, búkil densaýlyq saqtaý salasynyń uzaqmerzimdi qarjylyq ornyqtylyǵyna oń áserin tıgizedi.